Crita Rakyat Pati

ASAL MULANE DESA SUKOLILO
(Ki Ageng Giring)

Jeneng desa Sukolilo kecamatan Sukolilo Kabupaten Pati, ana gegayutane karo legenda Ki Ageng Giring lan Ki Ageng Pemanahan. Ceritane nalika kuwi Ki Ageng Pemanahan lagi goleki kakang seperguruane yaiku Ki Ageng Giring sing manggon ana ing Dukuh Garengan Wonokusuma. Nanging dina iku Ki Ageng Pemanahan kurang beja, merga Ki Ageng Pemanahan ora langsung ketemu karo Ki Ageng Giring ning omahe merga nembe wae macul ning tegalan. Nalika kuwi Ki Ageng Pemanahan ditemoni karo Nyai Ageng Giring.
Nyai Ageng Giring gumun merga wis suwe ora pethuk karo Ki Ageng Pemanahan, dhewekke sok-sok ora percaya, kok kadingaren Ki Ageng Pemanahan dolan nyang omahe.
Ki Ageng Pemanahan uwis suwe ra ketemu, merga kuwi dhewekke ora bakal bali yen durung pethuk karo kakang seperguruane.
Ndilalah dina kuwi Nyai Ageng ora duwe opo-opo kanggo sugatan, dhewekke kelingan yen isih duweni degan siji ning pawone, degan mau banjur dijipuk lan diwenehna Ki Ageng Pemanahan, merga saking ngelakke Ki Ageng gelem nrima degan mau banjur diombe.
Let sedela Ki Ageng teka saka tegalan, raine katon abang mbranang merga ngerti yen degane diombe adhi seperguruane. Dhewekke nesu marang Nyai Ageng. Nyai Ageng banjur sujud njaluk ngapura merga klalen apa sing wis dipesenke Ki Ageng Giring yen degan kuwi mau ora oleh diombe sapa-sapa.
Ki Ageng pemanahan golek akal piye bisane amarah Ki Ageng Giring suda merga perkara degan sing wis kebanjur diombe. Ki Ageng Pemanhan krasa salah banget lan njaluk ngapura karo Ki Ageng Giring merga wis wani-wani ngombe degan mau.
Sawise amarahe Ki Ageng suda, Ki Ageng Paemanahan pamitan arep bali lan nalika kuwi dhewekke diterke Ki Ageng Giring nganti tekan Talang Tumenggung merga Ki Ageng Giring mung bisa ngaterke mnganti tekan kono.
Sedurunge pisah karo kakang seperguruane Ki Ageng Pemanahan njaluk ngapura yen ana tingkahe sing bisa gawe lara ati Ki Ageng Giring, kabeh lelakon sing wis kebanjur kedaden magepokan karo degan sing wis diombe banyune, dhewekke ya ora ngerti, sak sukolilone Ki Ageng Giring dhewekke njaluk ngapura marang Ki Ageng Giring.
Lokasi Talang Tumenggung kuwi dadi saksi pangucape Ki Ageng Giring lan Ki Ageng Pemanahan saenggo tembung sukolilo pungkasane dadi jeneng kademangan Sukolilo, lan saya suwe merga anane perkembangan, jeneng Kademangan diganti dadi Pemerintahan desa sing diwenehi jeneng desa Sukolilo nganti seprene.

Tuladha Layang Lelayu

PENGETAN
Sampun kapundhut wangsul ing pangayunnaning Pangeran, Ibu kula Rr. Mintarsih mboten langkung nyuwun tambahing pandonga, mugi – mugi alusipun Ibu katanipiyo kanthi sukarena dening Pangeran, kaparingana pangapunten saday dosanipun. Kapapana ing panggenan ingkang prayogi.

Pati, 18 Agustus 2009
Sugiyono

Tugas Basa Jawa Kelas VII A - VII F

Unggah - Ungguh Basa Jawa
Gawe Ukara mawa Basa Jawa Krama Alus

Gawea ukara mawa basa Jawa Krama Alus saka tembung-tembung krama kang wis kok tulis rikala anggonmu ngrungokna wayang wong ing kelas?
Yen ukara kang kogawe akeh bijine sadhuwure KKM dene mung setitik ora bakal antuk biji, merga gawe ukara ora kena padha karo kanca-kancane ( aja copy paste ) mesthi konangan !
Yen wis dadi banjur diposting ing alamat blog-e dhewe-dhewe / seminggu sakwise pelajaran Basa Jawa !
Alamat blog kudu wis diaturake ketua kelas sadurunge seminggu !


Pati, 28 September 2010
Guru Mata Pelajaran,
ttd
Nyamat, S.Pd., M.Pd.

Tuladha Wacan Basa Jawa

Upacara Kawiwitan

Kadang Tani mliginipun ing tanah Jawi, menawi badhé wiwit nanem wonten ing sabin tansah nindakaken Adicara Metri Sawah utawi Wiwitan. Upacara menika minangka panyuwunan dhumateng Gusti Ingkang Murbeng Dumadi, supados asiling tetanèn ing mangkénipun saged kalis saking ama lan bebendu. Ing jaman modern menika, mbokbilih sampun kathah warga ingkang mboten mangertosi ngèngingi tradhisi menika. Pramila, Masyarakat Tradhisi Bantul ingkang dipunsengkuyung déning Mahasiswa ISI Ngayogyakarta ngadani upacara wiwitan kang dipunrawuhi wakil Bupati Bantul, Sumarno.
Upacara kawiwitan kanthi mendhet winih pantun saking setunggaling sabin kagunganipun warga ing Bulak Pangkah, Sumberagung, Jetis, Bantul. Upacara Wiwitan menika dipunlajengaken wonten ing Lapangan Sumberagung. Pantun winih menika miturut tradhisi rumiyin dipunbagèkaken dhumateng sedaya kadang tani ingkang dipungéndhong déning sesepuhipun Dhusun. Wonten ing Lapangan Sumberagung, upacara Wiwitan dipunlajengaken dhahar tumpeng lan sekul wiwitan. Sekul wiwitan ingkang dipunwungkus ron pisang, saksampunipun dipundongani, lajeng kabagi dhumateng laré-laré. Swasana regeng sanget awit sedaya warga sami rebatan sekul wiwitan ingkang dipunjangkepi sambel Gepeng. Kanggé acara Ruwatan sawah saklajengipun ugi dipungelar ringgit Kancil minangka jangkeping acara merti sawah. Kejawi menika, masyarakat ugi dipunlipur déning manéka warna seni lan paméran kerajinan.

Tuladha Pawarta Basa jawa

GONJANG-GANJING ING KPK

Sapa ta sing durung ngerti Komisi Pemberantasan Korupsi (KPK)? Mesthi meh saben wong, apa maneh sing saben dina nyimak liwat koran, tivi, lan internet wis ngerti marang KPK. Lembaga kang digawe sawise anane reformasi iki pancen dadi gawe mirisi para koruptor. Ora sethithik wong-wong saka kalangan ngendi wae klebu birokrat kang kena sandhungane KPK, kayata bupati, gubernur, kejaksaan, menteri, DPR. Malah besane presidhen SBY wae nganti keok ing tangane KPK gara-gara konangan anggone korupsi.

Pancen sawise anane lembaga KPK, akeh rekadaya kanggo mbiri tugas lan wewenange KPK. Klebu kasus-kasus sing saiki lagi diadhepi dening para panggedhening KPK, iku bisa uga minangka cara kanggo mbesmi supaya KPK ora keblabasen anggone mbrastha wong-wong sing nindakake korupsi. Pimpinan KPK digoleki kaluputane. Yen wis padha kejeblos ing pakunjaran, mesthi wae para koruptor seneng, amarga tumindake ora bakal konangan maneh dening KPK.

Kedadeyan ing minggu-minggu iki kang ngabarake perange antarane KPK mungsuh penegak hukum (kapolisen lan kejaksaan) pancen entuk kawigaten gedhe dening rakyat Indonesia. Rakyat Indonesia rumangka ora trima nalika para pimpinan KPK dituduh gawe kaluputan lan ditangkep dening kapulisen, kejaba yen pancen luput. Mulane presidhen banjur mudhun lan kepengin ngrampungake masalah iki kanthi gawe tim independen. Ing kasunyatane pancen durung ana bukti kuwat kanggo njiret kaluputane para pimpinan KPK, khususe Chandra lan Bibit. Ngono sing dikandhakake dening tim 8 kang digawe dening presidhen. Muga-muga wae, pancen kekarone ora luput lan bisa tugas maneh njiret wong-wong sing gawe rugine negara. Sasuwene birokrat akeh sing isih kena korupsi, ora bakal rakyate urip kepenak lan makmur, amarga dhuwite entek dipangan dening para koruptor.

Latin saka tulisan Aksara Jawa LKS kls VIII kaca 18 lan 21

Nonton Wayang
Umurku durung dewasa, nanging aku seneng nonton wayang kaya bapaku. Nalika ing simpang lima Pati ana wayang aku ora ketinggalan mesthi nonton. Aku teka ing simpang lima jam sanga bengi, wayange durung diwiwiti. Aku lan bapakku milih panggonan sing paling ngarep, kaya tamu undangan wae, ngono batinku. Wayang wis ditata rapi, diurutake saka sing paling gedhe ing kiwa lan tengene layar. Sing arep nabuh gamelan uga wis siyaga. Ora suwe sing ngacarani banjur ngendika menawa wayang enggal arep kawiwitan. Lakone kanthi judul Bima Suci dalange Ki Mantep Sudarsono. Ora suwe wayange banjur diwiwiti. Aku rumangsa seneng banget dene ing jaman kaya ngene isih duwe kabudhayan Jawa kang luhur. Muga-muga wayang tansah bisa lestari lan bisa tansah disenengi dening para kaum mudha.

Brubuh Ngalengka
Prabu Dasamuka utawa Rahwana ratu buta ing Ngalengka, minangka raja kang sugih raja brana tur ambeg angkara. Prabu Dasamuka nalika iku dusta Dewi Sinta putri Mantili garwane Prabu Ramawijaya. Prabu Ramawijaya arep njaluk bali garwane, mula perang wadyabala Ngalengka campuh karo wadya balane Prabu rama ora bisa kapenggak. Bathara Wisnu kang pancen kautus para dewa supaya brantas angkarane Prabu Dasamuka dibantu para wanara kang dipandhegani dening Prabu Sugriwa. Kehing pepati ora kena diwilang. Nalika iku prajurit lan senopatine Ngalengka padha mati kabeh. Prabu Dasamuka sungkawa lan banjur nimbali para ahli nujum kepriye mungguh apikke ngadhepi kahananne ya mungkono. Miturut ahli nujum Ngalengkabakal unggul perang menawa sang prabu karsa ngadhepi prabu Rama. Sang Prabu Dasamuka dhewe sing maju ing Palagan .

Tulisan Aksara Jawa LKS VIII kaca 10

?ffitmusi=vene=z[k.
?tum][p[w=ojw,ked[yohanÑ|wipdk[ronmPxjeki.mul[ynHntmu[aotaua=zLi/wkH[kgupuh,lu=guh,lnSuguh.spw[a[ynKed[yohanMesQigupuh[ao[lh[aamB[gkH[ktmu[n,ztu/riX=gh,terusG[w[wf=k=[gosuguhan\,me/gan[npku/mtTnMaumul[w=osi=mrd[yohkufuze/titaufiri,ffiytmusi=becik\,ajske[pn[k[d[w,ajg[wgel[nsi=fit[monNi,lnBisavene=z[ksi=fu[w[aomh.apw[asi=pe/lufig[tkK[k[ynMrd[yoh.